စျေးနှုန်းချိုသာခြင်းနှင့် ရွေးစရာများပြားခြင်းကြောင့် မြန်မာနိုင်ငံတွင် တပတ်ရစ်ကားများ အရောင်းသွက်ခြင်းဖြစ် တပတ်ရစ်ကားများအား ကြိုက်နှစ်သက်ရသည့်အကြောင်းအရင်းကို Carmudi ၏ စျေးကွက်များတွင် လေ့လာခဲ

မြန်မာနိုင်ငံတွင် ကားအသစ်များထက် တစ်ပတ်ရစ်ကားများမှာ ပိုမိုလူကြိုက်များ အရောင်းသွက်လျက်ရှိ သည်။ Motors.com.mm ၏ လေ့လာမှုအရ ပြည်တွင်းတွင် ရောင်းချနေသောကားများ၏ ၉၂ ရာခိုင်နှုန်းမှာ တပတ်ရစ်ကားများဖြစ်ပြီး မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း (MAMDA) ၏ အဆိုအရလည်း ပြည်တွင်းသို့ မော်တော်ယာဉ်တင်သွင်းမှု၏ (၉၉) ရာခိုင်နှုန်းမှာ တပတ်ရစ်ကား များဖြစ်ကြောင်း လေ့လာတွေ့ရှိရသည်။
Motors.com.mm ၏ မိခင်ကုမ္ပဏီဖြစ်သည့် နိုင်ငံတကာအွန်လိုင်းကားအရောင်းအဝယ်စျေးကွက် Carmudi ၏ ဖွံ့ဖြိုးဆဲကားစျေးကွက်များအပေါ် လေ့လာမှုအရ ၆၅ ရာခိုင်နှုန်းသော ကားရှာဖွေသူများသည် လာမည့် တစ်နှစ်အတွင်း ကားအသစ်ဖြစ်စေ၊ တစ်ပတ်ရစ်ကားဖြစ်စေ ၀ယ်ယူရန် အစီအစဉ်ရှိပြီး အာရှနိုင်ငံများ တွင်မူ ကားဝယ်ယူလိုအား ရ၂ ရာခိုင်နှုန်းခန့် ရှိနေသည်ကို တွေ့ရသည်။
တစ်ပတ်ရစ်ကားများ ၀ယ်လိုအားမြင့်နေခြင်း၏ နောက်ကွယ်မှ အကြောင်းအရာကို လေ့လာမှုများပြုလုပ် ရန်အတွက် နိုင်ငံတကာအွန်လိုင်းကားစျေးကွက် Carmudi ၏ ကမ္ဘာ့နိုင်ငံအသီးသီးရှိ စျေးကွက်များမှ ရွေးချယ် ထားသော ကားရှာဖွေသူ/၀ယ်သူများအား စစ်တမ်းကောက်ယူမှုများ ပြုလုပ်ခဲ့ပါသည်။ အဆိုပါစစ်တမ်းတွင် တစ်ပတ်ရစ်ကားကို ရွေးချယ်မှုများရခြင်း၏ အကြောင်းအရင်းများ၊ ရောင်းချသည့် စျေးအမျိုးအစားများ၊ သဘာဝပတ်ဝန်းကျင်အပေါ် ထည့်သွင်းစဉ်းစားမှုများ စသဖြင့် ပါ၀င်သည်။
အဆိုပါလေ့လာမှုအရ မြန်မာနိုင်ငံရှိ ကားဝယ်မည့်သူ ၃၈ ရာခိုင်နှုန်းက တစ်ပတ်ရစ်ကားဝယ်ယူရခြင်း၏ အရေးအကြီးဆုံးအကျိုးကျေးဇူးမှာ စျေးနှုန်းချိုသာခြင်းကြောင့် ဖြစ်ကြောင်း ဖြေဆိုကြသည်။ ရွေးချယ်ဝယ်ယူစရာ များပြားခြင်းကြောင့် တစ်ပတ်ရစ်ကားများကို ၀ယ်ယူလိုခြင်းဖြစ်သည်ဟု ဖြေဆိုသူ ၂၃ ရာခိုင်နှုန်းက မှတ်ချက်ပေး ကြပြီး ၁၇ ရာခိုင်နှုန်းမှာမူ အခွန်နှင့် မော်တော်ယာဉ်မှတ်ပုံတင်ခ သက်သာခြင်းကြောင့် ဟုဖြေဆိုကြသည်။
၀ယ်ယူနိုင်သည့်အနေအထားရှိမှုနှင့် ရွေးချယ်စရာများပြားမှုတို့ကို ပိုမိုအာရုံစိုက်လာခြင်းက အရှေ့တောင် အာရှနိုင်ငံများရှိ ကားတင်သွင်းမှုအပေါ် ကြီးကြီးမားမားသက်ရောက်မှု ရှိနေသည်။ အဆိုပါ စျေးကွက်တောင်းဆို ချက်အသစ်ကြောင့် ကားရှာဖွေဝယ်သူများအနေဖြင့် ကားမော်ဒယ်အများအပြားကို ရွေးချယ်နိုင်ကြကြောင်း ဖော်ပြ နေသည်။
မြန်မာ့တစ်ပတ်ရစ်ကားစျေးကွက်နှင့်စပ်လျဉ်း၍ Motors.com.mm ၏ Managing Director Ms.Rianne Roggema က “ မြန်မာနိုင်ငံလို ဖွံ့ဖြိုးဆဲနိုင်ငံတစ်နိုင်ငံအတွက် တစ်ပတ်ရစ်ကားစျေးကွက်က အရမ်းကိုလိုက်ဖက် မှုရှိပါတယ်။ ဒါပေမယ့် အခြားနိုင်ငံနဲ့ ပြည်တွင်းက အဟောင်းဆုံးကားတွေကိုပဲ သုံးစွဲနေရတာမျိုး မဖြစ်အောင် တော့ သတိပြုသင့်တယ် ထင်ပါတယ်။ ယခု ၂၀၁၆ ခုနှစ်ကားမူဝါဒအသစ်က ကားတွေကို ၂၀၀၆ ခုနှစ်မော်ဒယ် နောက်ဆုံးထားပြီး သွင်းရမှာဖြစ်တဲ့အတွက် မြန်မာပြည်သူတွေ သက်တောင့်သက်သာရှိပြီး ကြံခိုင်မှုပိုင်းမှာလည်း ပိုမိုစိတ်ချရတဲ့ မော်ဒယ်မြင့်ကားတွေ စီးကြရတော့မှာ ဖြစ်ပါတယ်။ ခြွင်းချက်အနေနဲ့ကတော့ Model Year တိုးမြင့် သတ်မှတ်လိုက်တဲ့အတွက် ဆိပ်ကမ်းရောက် CIF တန်ဖိုးကိုတော့ ကားဝယ်စီးမယ့်သူတွေ အဆင်ပြေအောင် အထိုက်အလျှောက် လျော့ချပေးဖို့ လိုအပ်ပါတယ်။ မြန်မာပြည်မှာ အိမ်စီးကားနဲ့ အများပြည်သူသုံးမော်တော်ယာဉ် အသုံးပြုမှုမှာ လိုအပ်ချက်တွေ ရှိနေပါတယ်။ အထူးသဖြင့် ဝေးလံပြီး သွားလာရခက်ခဲတဲ့ဒေသတွေမှာ မော်တော် ယာဉ်အသုံးပြုနိုင်မှုက အရမ်းကို နည်းပါးနေပါသေးတယ်။ ဒါ့ကြောင့် မော်တော်ယာဉ်တွေ ထပ်မံတင်သွင်းဖို့လိုအပ် သလို တည်ငြိမ်တဲ့ ကားစျေးကွက်တစ်ခု ဖြစ်လာဖို့လည်း အရေးကြီးပါတယ်။ ” မှတ်ချက်ပြု ပြောကြားသည်။